Skip to main content

Control structures katika C

Control Structures katika C

Katika somo hili tutajifunza vitu au vipande mbali mbali vinavyounda programu kwa ujumla.

Kwa kawaida kompyuta inarun programu mstari mmoja baada ya mwingine kwa kufuatana upi umeanza na upi unafuata. Mstari wa kwanza unarun, kisha unaofuatia na kuendelea hadi mwisho wa programu.

Ili kuwepo na wigo mpana wa kuunda programu inabidi tuweze kuhama au kuruka mstari mmoja kwenda mwingine kutegemeana na masharti. Hii huwa inaitwa "Transfer of Control".

Hapo awali programmers walikuwa wanatumia goto statement, ambayo inaiambia programu iende kwenye mstari fulani kutegemea na sharti fulani. Ilikuja kugundulika kuwa hii goto statement ilisababisha ugumu mkubwa kwa watengenezaji wa programu kwani kwenye programu kubwa ya kiuhalisia unakuta kuna goto nyingi ambapo inafika kipindi inakua vigumu kujua au kukumbuka statement fulani ilikua kwa sababu gani.

Katika utafiti uliofanywa na Bohm na Jacopini walifanikiwa kuonesha kuwa programu zinaweza kutengenezwa bila kutumia goto statement yoyote. Katika utafiti huu walionesha kuwa programu yoyote inaweza kuandikwa kwa kutumia "Control Structures" tatu tu, ambazo ni "Sequence Structure", "Selection Structure" na "Repetition Structure".

Sequence Structure

Sequence structure tayari ipo katika C, kwani programu zinarun kuanzia mstari wa mwanzo, kisha unaofuata na kuendelea kwa mpangilio wa uandishi. Structure hii tayari ndio C inavyorun haihitaji statement yoyote ya kuandikwa.

Selection Structure

C inakupa aina tatu za selection structure, ambazo ni if selection statement, if...else selection statement na switch selection statement. Hizi ni statement ambazo zinakusaidia kuchagua baina ya vitendo tofauti kutokana na masharti.

if selection statement yenyewe inachagua au kufanya kitendo kama sharti ni kweli(true) au inaruka hicho kitendo kama sharti si kweli(false). Katika statement hii kitendo ni kimoja ambacho kinafanywa au kurukwa.

if...else selection statement inafanya kitendo kimoja kama sharti ni kweli(true) au kufanya kitendo kingine kama sharti si kweli(false). Katika statement hii vitendo ni viwili, kwa kutumia sharti moja unachagua baina ya vitendo viwili.

switch selection statement yenyewe inafanya kitendo kimoja baina ya vitendo vingine vingi kutegemeana na thamani ya variable fulani. Katika statement hii vitendo ni vingi na masharti ni mengi, kwa hiyo kila sharti litachagua kitendo chake fulani.

Repetition Structure

C inakupa aina tatu za repetition structure ambazo ni while, do...while na for. Hizi ni statement za kufanya programu irudie kitendo fulani kwa mara kadhaa kutokana na sharti fulani. Hizi statement zote tatu zinafanya kazi hiyo ya kurudia kitendo fulani, zinatofauti kidogo sana. Tutaona tofauti zake pindi tutakapozichambua statement hizi.

Hitimisho

Kwa ufupi C ina statement saba za kukontrol programu yaani sequence, statement tatu za kuchagua(selection) na statement tatu za kurudia(repetition). Programu yoyote ya C lazima iwe imeundwa kwa kuunganisha aina hizi za statement, hivyo ni vyema kuzielewa matumizi yake ipasavyo kwani ndio uti wa mgongo wa programu.
Labels:

Comments

Post a Comment

Popular posts from this blog

Jinsi ya kuangalia faini za makosa ya barabarani Tanzania

Je ungependa kufahamu namna ya kucheck kama gari yako inadaiwa au haidaiwi? Unaweza kupata taarifa hizi kwa kutumia mtandao kwa wale wenye simu za internet, vile vile unaweza kutumia simu ya kawaida isiyo na internet. Kwa njia ya mtandao Kwa kutumia mtandao tembelea link ifuatayo. http://tms.tpf.go.tz Ukurasa ukifunguka ingiza namba ya gari lako, hapo utaona faini zilizopo katika gari lako. Pia unaweza kuchagua kuingiza namba ya leseni, ili upate faini zilizoandikwa katika leseni yako. Kwa njia ya simu Kwa kutumia simu ya kawaida piga *152*75#  , kisha fuata maelekezo, ukishamaliza utatumiwa ujumbe mfupi wenye taarifa za faini.
17 comments
Read more

Jifunze kutype kwenye kompyuta bila kuangalia keyboard

Je unataka kuongeza ufanisi katika kazi zako za kompyuta? Katika somo hili tutajifunza jinsi ya kutype(kuandika) haraka haraka katika keyboard ya kompyuta bila kuangalia. Kutype haraka katika kompyuta ni ujuzi ambao kila mtu anaweza kujifunza japo wengi hudhani wataalamu wa kompyuta ndio wanafanya mambo hayo. Ni ujuzi rahisi sana kama mtu ni mwenye bidii hata ndani ya mwezi unaweza kujifunza. Kuna usemi usemao mti wa kudakia samaki (fishing rod) ni mwendelezo wa mkono wa mvuvi, kwa maana mvuvi mahiri anaweza kuhisi pindi samaki anapokuwa maaneo ya mti wake. Kama fishing rod ilivyo kwa mvuvi, keyboard ya kompyuta inabidi iwe mwendelezo wa vidole vyako ili uwe mtumiaji wa kompyuta mzuri. Katika keyboard ya kompyuta kila kidole kina sehemu yake na kina sehemu kinaweza kwenda. Kujifunza kutype ni kujifunza namna ya kutumia vidole vyako inavyotakiwa. Katika kutype jambo kubwa la kuepuka ni kuinua mkono ili kufuata kitufe fulani, bila shaka kuna wakati utahitaji kuinua mkono lakini hii
1 comment
Read more

Fahamu file aina ya zip na jinsi ya kulitumia

Umewahi kudownload file kwenye internet na kukuta hilo file ni zip na ukashindwa kulifungua? Au umepokea barua pepe ndani yake kumeambatanishwa na file la zip? Au una file kubwa la game au software nyingine unataka kuliweka kwenye DVD lakini halitoshi kwenye hiyo DVD? Katika makala hii tutaangalia kwa undani file la zip (kifurushi) na matumizi yake mbali mbali. File la zip ni nini? File la zip ni file ambalo linakusanya mafile mengine na kuyaweka katika file moja. Hii huwa inarahisa kazi tofauti mfano kutuma barua pepe, badala ya kutuma mafile 10 yaliyomo kwenye folder moja, unaweza kutengeneza zip file moja na kulituma. Pia zip file husaidia kupunguza size ya file. Mfano mzuri wa mafile ambayo hupungua size maradufu ni mafile ya maandishi(text). Mafile ya picha, sauti au video mara nyingi hayapungui size sana kwa sababu aina za hayo mafile tayari yalishajaribu kuyapunguza size. Naandaa vipi file la zip? Ni rahisi sana kutengeneza file la zip, kwani utengenezaji wa file la zi
1 comment
Read more